Дэлхийн жүдо бөхийн өдөрт зориулсан Монгол Улсын гавьяат дасгалжуулагч Ч.Машбатын нэрэмжит “SENSEI CUP-2024” насанд хүрэгчдийн дотоодын чансаа олгох тэмцээн зохиогдоно. Жил бүрийн аравдугаар сарын 28-ны өдрийг дэлхий даяар “ОЛОН УЛСЫН ЖҮДО БӨХ”-ийн өдөр болгон тэмдэглэдэг.

      Тэгвэл энэ жил Олон улсын жүдо бөхийн холбооноос “WELL BEING” буюу “САЙН САЙХАНЫ ТӨЛӨӨ ХАМТДАА”  уриаг дэвшүүлэн тэмдэглэх юм.  Монголын жүдо бөхийн холбоо  энэхүү өдөрт зориулан насанд хүрэгчдийн тэмцээнийг зохион байгуулна. Олимп, дэлхийн аваргын медальт ба гранд слам гран при тэмцээнүүдийн медальт тамирчид бүгд оролцохоос гадна 16 наснаас дээш насны өсвөр, залуучууд оролцож ширүүн өрсөлдөөн үзүүлэхээр болжээ. Уг тэмцээнээс шалгарсан тамирчид арваннэгдүгээр сард зохиогдох “ТОП- 6” тэмцээнд оролцох эрхээ авах юм.