Энэ өдөр хөнгөн атлетикийн  Үндэсний шигшээ баг, Зэвсэгт хүчний 327-р анги, “Алдар” спорт хорооны тамирчин, Ази тивийн аварга шалгаруулах тэмцээний хүрэл медальт ОУХМ Баярцогтын Мөнхзаяа мэндэлжээ. Тэрбээр  марафон гүйлтээр 2013 оноос хойш хичээллэж  байгаа. Марафон гүйлтээр 11 дэх жилдээ хичээллэж байгаа билээ. Монгол Улсын дунд болон холын зайн 3000 м,5000 м,10000 м, хагас марафон, бүтэн марафоны рекорд амжилтыг эзэмшдэг.

       Өмнөд Солонгосын Гунсаны олон улсын марафоноос 2017 онд алтан медаль, 2018 онд мөнгөн медаль, 2019 онд дөрөвдүгээр байр эзэлж байв. Мөн Японы "Пүжи 2016" олон улсын марафоны аварга, Японы "Коби-2018" олон улсын марафонд хоёрдугаар байр эзэлж байлаа. “Бээжин-2015”, “Лондон-2017”, “Катар-2019”, “Ореган-2022”  ДАШТ-д оролцож байсан. Мөн “Рио-2016”, “Токио-2020”, “Парис-2024” гурван олимпын наадмын марафоны замд уралдаад байгаа.