АНУ-н Лас Вегас хотод аравдугаар сарын 7-13-ны өдрүүдэд бодибилдинг, фитнесийн спортын олимп гэгддэг "Mr.Olympia“ тэмцээн зохион байгуулагдана. Тус тэмцээнд Монгол Улсаас түүхэндээ анх удаа эх орноо төлөөлөн мэргэжлийн ангилалд ОУХМ Б.Уянга өрсөлдөнө. Тэрбээр өнгөрсөн онд зохион байгуулагдсан "Ifbb pro Taiwan” тэмцээнд түрүүлж, “Mr.Olympia”-д оролцох эрхээ авсан юм.

       "Mr.Olympia”-д оролцох эрх авахад өндөр шалгууртай. Тодруубал, эхлээд улсынхаа аварга шалгаруулах тэмцээнд  түрүүлж, олон улсад өрсөлдөх эрх нь нээгдэнэ. Дараагийн шатанд "Olympia amateur" буюу олон улсын сонирхогчдын тэмцээнд өрсөлдөнө. Энэ тэмцээнд мөн л түрүүлсэн тохиолдолд ангилал тус бүрийн аваргуудтай өрсөлдөж эхний гурван байрт шалгарснаар мэргэжлийн тамирчны карт эзэмших эрхтэй болдог байна.

           Энэ бүхний дараа “Olympia” эрх олгох тэмцээнд зөвхөн мэргэжлийн “Pro card”-тай тамирчид өндөр нам, жин харгалзахгүй өрсөлдөж, зөвхөн тухайн шалгаруулалтад түрүүлсэн ганц тамирчин “Mister Olympia” тэмцээнд оролцох эрхээ авдаг юм.