• Өнөөдөр 2025-06-05

Б.Мянганбаяр “Алдрын танхим”-ын гишүүнээр өргөмжлөгдлөө

2024-10-07,   215

        Монголын чөлөөт бөхийн холбооны ерөнхий нарийн бичгийн дарга Батсүхийн Мянганбаяр АНУ-ын Нью Жерси мужийн Ньюарк хотын Сэйнт Бэнэдикт'с Прэп сургуулийн “Алдрын танхим”-ын гишүүнээр өргөмжлөгдлөө.

         Энэ үйл явдал нь Монголын чөлөөт бөхийн төлөөлөл спортын амжилтаараа АНУ-д “Алдрын танхим”-д нэрээ бичүүлсэн анхны тохиолдол юм. Б.Мянганбаяр нь одоогоос 20 жилийн өмнө Сэйнт Бэнэдикт'с дунд сургуулийг дүүргэж, Миннесота мужийн Сэйнт Жонсын их сургуульд 100 хувь тэтгэлгээр “Математик, бизнесийн удирдлага” мэргэжлээр 2011 онд бакалавр зэрэгтэй төгссөн юм.

        Тэрбээр ийнхүү АНУ-д суурь болон дээд боловсрол эзэмшиж байх даа чөлөөт бөхийн спортоо орхилгүй бэлтгэл сургуулилалтаа үргэлжлүүлсээр “NCAA” буюу Америкийн Үндэсний их сургуулиудын тамирчдын холбооноос зохион байгуулдаг Америкийн аварга шалгаруулах тэмцээнд дараалан гурав түрүүлж, энэ амжилтаараа “All American” цол хүртэж байсан юм. “Алдрын танхим”-ын гишүүнээр өргөмжлөгдөх ёслолын үйл ажиллагаанд түүнийг дэмжиж ирсэн дотны найзууд, багш дасгалжуулагчид, багийн гишүүдийн хамтаар оролцлоо.


 

 


Б.Мянганбаяр “Алдрын танхим”-ын гишүүнээр өргөмжлөгдлөө
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.