Жүдо бөхийн өсвөр үеийн 2024 оны  ДАШТ  Перу Улсын нийслэл Лима хотноо үргэлжилж байгаа.  ДАШТ-ий эхний өдөр эрэгтэйчүүдийн 55 кг-ын жинд “Мон-Алтиус Цагаанбаатар академи”-ийн тамирчин Б.Бат-Энэрэл мөнгөн медаль хүртсэн.  Батбилэгийн Бат-Энэрэл “Мон-Алтиус Цагаанбаатар Академи”-ийн тамирчин, “Мон-Алтиус” ахлах сургуулийн 12-ийн “А” ангийн сурагч.

      Жүдо бөхөөр сонирхож хичээллээд дөрвөн жил болж байгаа. Тэрбээр босоо барилдаанаас үүрэх мэхийг гол төлөв хийдэг. Харин хэвтээ барилдаанд өчих, боох мэхийг хийнэ, даралт авдаг. Бэлтгэлгүй үедээ, чөлөөт цаг гарвал аль болохоор сайн амарч, сэргэлт авахыг хичээдэг гэсэн.  Чөлөөт цагаараа  дуу сонсох, кино үзэх дуртай гэнэ билээ.

2

     Өсвөрийн ДАШТ-ээс өмнө Итали Улсад болсон жүдо бөхийн өсвөр үеийн “Follonica,Italy Cadet European Cup 2024”, Испани Улсад болсон “Fuengirola cadet European cup 2024”  цуврал олон улсын тэмцээний хөвгүүдийн 55 кг-ын жинд хос алтан медаль хүртсэн.  Б.Бат-Энэрэл Европын цуврал тэмцээнд түрүүлж алтан медаль авна гэсэн зорилгодоо хүрсэн юм.

       Харин Италийн тэмцээний алтан медалийн төлөөх барилдаанд босоогоос барилдаанаа сайн гаргаж чадахгүй байв. Хоёр торгуулиад, торгуулиар хожигдож мэдэх байдалтай болсон юм. Тийм болохоор өрсөлдөгчийн алдаан дээр ажиллаж хэвтээ барилдаанд шилжүүлэн түүнийг даралтаар ялсан байлаа.