“Парис 2024” паралимпын 17 дахь удаагийн наадмын эхний өдөр Монголчууд аваргатай боллоо. Таэквондогийн эмэгтэйчүүдийн 52 кг-ын жинд хүч сорьсон дэлхийн аварга шалгаруулах тэмцээний хүрэл, Ази тивийн аварга, Азийн наадмын мөнгөн медальт, "Алдар" спорт хорооны тамирчин ОУХМ У. Сүрэнжав финалд Ираны тамирчин Зара Рахимиг 5:2-оор илүүрхэн ялж, паралимпын наадмын аварга боллоо. Түүний энэ амжилт нь паралимпын наадмын анхны эмэгтэй аварга гэдгээрээ онцлогтой.  Монголын пара спортын тамирчдын гурав дахь алтан медаль, нийт тавь дахь паралимпын медалийн эзэн болсон түүхэн мөч юм.