Хөнгөн атлетикийн ахмадын улсын аварга шалгаруулах тэмцээн энэ өдрүүдэд Налайх дүүрэгт болж байна. Тэмцээний өндрийн харайлтын төрөлд сагсан бөмбөгийн нэрт мастер, гавьяат тамирчин Ц.Шаравжамц хүрэл медаль хүртжээ. Тэрбээр 1 метр 45 см өндөрт амжилттай харайж хүрэл медалийн тавцанд гарсан ба 36 жилийн дараа тус спортоор дахин тэмцээнд оролцсон нь энэ аж.

         Ц.Шаравжамц нь бага насандаа  И.Жамъяндагва багшийн удирдлага дор өндрийн харайлтаар хичээллэж байх даа 1988 оны өсвөр үеийнхний УАШТ-ээс 14 насандаа 1 метр 75 см-т харайж хүрэл медаль хүртэж байжээ. Харин 36 жилийн дараа өндрийн харайлтын ахмадын ангилалд оролцоод хүрэл медалиа ихэрлүүлж чаджээ. Тэр өнгөрсөн долоо хоногт болсон волейболын ахмадын УАШТ-ээс мөн хүрэл медаль хүртсэн билээ.