Япон Улсын Мэргэжлийн сүмо бөхийн холбоо Аки башёд сэкитори цолонд хүрч, жүрёо зиндаанд дэвшсэн бөхчүүдийн нэрсийг зарлалаа.

Шинээр дэвшигчид:

      Дайсэйзан Алтан-Очирын Асгахад. Тэрбээр 2000 оны тавдугаар сарын 22-ны өдөр төрсөн. Одоо 24 настай. Биеийн өндөр 192 см, 157 кг жинтэй. 2022 оны Хацү башёд мэргэжлийн сүмод элссэн. Түүний амжилт гэвэл Макүшита зиндаанд нэг удаа түрүүлсэн. Одоогоор 43 барилдаанд 31 давсан амжилттай яваа.

       Кирюүко 2002 оны 10 сарын 31-ний өдөр төрсөн. Одоо 22 настай. Биеийн өндөр 177 см, 133 кг жинтэй. 2021 оны Нацү башёд мэргэжлийн сүмод элссэн. Түүний амжилт: Макүшита зиндаанд нэг удаа түрүүлсэн. Одоогоор 42 барилдаанд 26 давсан байгаа.

       Дахин жүрёо зиндаанп дэвшсэн Оошоүми. Тэрбээр 2001 оны 5 сарын 12-ны өдөр төрсөн. Одоо 23 настай. Биеийн өндөр 183 см, 140 кг жинтэй. Тэр 2020 оны Харү башёд мэргэжлийн сүмод элссэн. Түүний амжилт гэвэл санданмэ зиндаанд нэг удаа түрүүлсэн. Жонидан зиндаанд нэг удаа түрүүлж байсан. Оошоүми одоогоор 66 барилдаанд 33 давсан үзүүлэлттэй яваа.