“Парис 2024” зуны олимпын наадмын боксын сугалаа явагдлаа. Манай улсаас эмэгтэйчүүдийн 54 кг-ын жинд ОУХМ Мөнгөнцэцэгийн Энхжаргал эхний даваандаа 2023 оны дэлхийн аварга шалгаруулах тэмцээний мөнгөн медальт Италийн тамирчин Чараабитай тулалдах сугалаа татсан байна. Түүний дараагийн учраа Румыны тамирчин Ленута Лакрамиоратай байгаа. Хэрэв түүнийг ялах юм бол медалийн төлөө Англи Улсын тамирчин Чарли Дависонтой медалийн төлөө тулалдах юм.

         Харин 50 кг-ын жинд О.Есүгэн "Рио-2016" олимпын хүрэл медальт, дэлхийн аваргын мөнгө, хүрэл медальт Колумбийн тамирчин Валиансатай тулалдах учраа таарав. Колумбийн тамирчин өнөө жил 35 настай олимп, дэлхийн медальтай туршлагатай тамирчин. Дараагийн учраа нь Австрали Улсын тамирчин Моникү Сураситай тулалдана. Ялалт байгуулсан тохиолдолд урьдчилсан таамгаар Бразил Улсын тамирчин Каролайн Де Алмайда болон Казахстаны тамирчин Назим Кузайбай хоёрын хэн ялсантай медалийн төлөө тулалдана. Назим Кузайбайтай өмнө нь 2023 оны Азийн наадамд тулалдаж ялж байсан юм.