“Парис 2024” зуны олимпын наадмын галт бамбарын буухиа Франц Улсын нийслэл Парис хотод иржээ. Тус олимпын бамбарыг 2024 оны дөрөвдүгээр сарын 16-ны өдөр эртний Грекийн олимпын өлгий нутгаас буухиалсан юм.  Галт бамбар өчигдөр XXXIII олимпын наадмыг зохион байгуулагч Парис хотод хүрч ирсэн байна. Франц Улсын 65 хот, дүүргийн 400 гаруй суурин газраар 10 мянган тамирчин, хөгжлийн бэрхшээлтэй иргэд буухиалж олимпын нээлтээс гурав хоногийн өмнө ийнхүү нийслэл хотноо хүргэжээ.

        Франц Улс тэр тусмаа Парис хотын иргэд гуравын тоог бэлгэдэг аж. Тэд гурав дахь удаагаа зуны олимпын наадмыг 1900,1924, 2024 онд тус тус зохион байгуулж байгаа юм. Харин өвлийн олимпын наадмыг 1924,1968,1992 онуудад тус тус өөрийн улсдаа хүлээн авчээ. Мөн зуны олимпын наадмыг хамгийн олон буюу таван удаа зохион байгуулсан АНУ-аас гадна гурван  улс тус бүр гурван удаа хүлээн авсан байдаг ажээ. Үүнд Франц, Австрали, Их Британийн Вант Улс юм. Франц Улс энэ удаагийн XXXIII олимпын наадамд медалийн чанар тоогоор эхний гуравдугаар байрт орох зорилтыг тавьсан байна.