“Женко” клубийн самбо, жүдо бөхийн тамирчин Цэрэндолгорын Сажидмаа 2005 оны энэ өдөр Завхан аймгийн Баянтэс суманд мэндэлжээ. Тэрбээр жүдо бөхөөр 2018 оноос хойш хичээллэсэн. Жүдо бөхийн өсвөр үеийн улсын аваргаас дөрвөн хүрэл, залуучуудын улсын аваргаас хоёр хүрэл медаль авч байсан. Мөн 2022, 2023 онд самбо бөхийн дэлхийн аваргаас мөнгөн медаль, 2023 онд өсвөр үе залуучуудын Азийн аваргаас хос мөнгөн медаль, өвсөр үеийн улсын аваргаас хоёр алт, нэг хүрэл, залуучуудаас улсын аваргаас алт, хоёр мөнгөн медаль хүртэж байсан.

       Ц.Санжидмаа “Женко” клубт ороод зургаа дахь жилдээ хичээллэж байгаа. Монголын Улсын гавьяат дасгалжуулагч Ш.Цэвэлмаа, ОУХМ Г.Саранзаяа багш нарын удирдлага дор бэлтгэл сургуулилалтаа хийдэг. Тэрбээр өнгөрсөн онд ОХУ-ын Екатеринбург хотноо болсон олон улсын оюутны спортын фестиваль их наадмын самбо бөхийн эмэгтэйчүүдийн +80 кг-ын жинд ОХУ-ын Киселеваг 5:0-ээр ялж, хүрэл медаль хүртэж байсан билээ.