“Парис-2024” олимпын тэтгэлэгт хөтөлбөрт хамрагдсан баг тамирчдыг Олон улсын  олимпын холбооны гишүүн, МҮОХ-ны ерөнхийлөгч Б. Баттүшиг, тэргүүн дэд ерөнхийлөгч Ч. Наранбаатар, ерөнхий нарийн бичгийн дарга Э. Бадар-Ууган нар хүлээн авч уулзав. “Парис 2024” тэтгэлэгт хөтөлбөрт найман спортын төрөлд 15 тамирчин хамрагдсан бөгөөд доорх нэр бүхий есөн тамирчин олимпын эрхээ хүртэж, цаашлаад олимпын медалийн төлөө өрсөлдөхөөр бэлэн болоод байна.

        Чөлөөт бөхийн тамирчин МУГТ Д. Отгонжаргал, МУГТ Т. Тулга, МУГТ М. Лхагвагэрэл, жүдо бөхийн тамирчин ОУХМ Л. Сосорбарам, МУГТ Ё. Басхүү, буудлага спортын тамирчин ОУХМ Э. Даваахүү, боксын тамирчин ОУХМ О.Есүгэн, хүндийг өргөлтийн тамирчин МУГТ М. Анхцэцэг нарын есөн тамирчин олимпын эрхээ хүртсэн нь хөтөлбөрийг 60 хувийн амжилттай дүүргэлээ. Энэхүү амжилт нь “Лос Анжелос 2028” тэтгэлэгт хөтөлбөрийг хэрэгжүүлэх боломжийг нээж байна.