Монгол Улсын гавьяат тамирчин, Авирмэдийн Энхээ, ОУХМ Авирмэдийн Тайван нар 1961 оны энэ өдөр Ховд аймгийн Зэрэг суманд мэндэлжээ. Гавьяат тамирчин А.Энхээ 1983-1989 оны хооронд таван удаа чөлөөт бөхийн  ДАШТ-д оролцсон байдаг. Тэрбээр 1985 оны Будапештын  ДАШТ-ээс мөнгөн медаль, 1986 оны мөн Будапештын  ДАШТ-ээс хүрэл медаль хүртсэн. Харин 1988 онд Өмнөд Солонгосын Сөүл хотод болсон олимпын их наадамд барилдаж, зургадугаар байрт шалгарсан юм. АНУ-д 1986 онд болсон дэлхийн супер цомын аварга шалгаруулах тэмцээнд дэлхийн аварга Жин Милс, дэлхийн хошой аварга Виктор Алексеев нарыг ялж, дэлхийн цомын аваргаас алтан медаль хүртэж байлаа. Түүний гаргасан амжилтыг үнэлж, 1981 онд  БНМАУ-ын спортын мастер, 1985 онд ОУХМ, 1990 онд Монгол Улсын гавьяат тамирчин цолыг олгосон юм.