Олон улсын олимпын хорооноос Тайландын Хаант Улсын Бангкок хотноо “Парис 2024” зуны олимпын наадмын боксын эрх олгох хоёр дахь буюу сүүлийн тэмцээнийг зохион явуулж байна. Манай боксчин ОУХМ Э.Эрдэнэтуяа олимпын эрх олгох тэмцээний эмэгтэйчүүдийн 75 кг-ын жинд эхний тулаанаа хийв. Тэрбээр тавдугаар сарын 27-ны өдрийн 19:30 цагт Барбадос Улсын тамирчинтай тулалдаж хажуугийн шүүгчдийн 4:1-ийн саналаар эхний ялалтаа авлаа. Мөн Г.Далай шүүгчдийн санал нэгтэй шийдвэрээр Кени Улсын тамирчинг ялсанаар олимпын эрх олгох тэмцээний эхний ялалтаа аваад байна.