Чөлөөт бөхийн “БИШКЕК-2024” Ази тивийн аварга шалгаруулах тэмцээний гурав дахь өдөр эмэгтэйчүүдийн төрлөөр үргэлжилж байна. Өнөөдөр шигшээ барилдаанд манай дөрвөн тамирчин шалгарч үлдсэн.

           Ази тивийн аварга шалгаруулах тэмцээний 59 кг-ын жинд Үндэсний шигшээ багийн тамирчин Б. Анударь алтан медалийн төлөө дэлхийн аварга, БНХАУ-ын Жан Гитай хүч үзэж 10:0-ээр ялагдаж тивийн аваргын мөнгөн медаль хүртэв.

          Ази тивийн аварга шалгаруулах тэмцээний 68 кг-д “Белград-2023” дэлхийн аваргын мөнгөн медальт, “Ханжоу-2022” Азийн наадмын хүрэл медальт, ОУХМ Э. Дэлгэрмаа хүрэл медалийн төлөө БНХАУ-ын Ли Зөлюүтэй хүч сорьж 2:1-ээр ялж тивийн аваргын хүрэл медаль хүртэв.