Үндэсний шигшээ багийн тамирчид Нидерланд Улсын Роттердам хотод зохион байгуулагдсан дэлхийн 40 орны шилдэг тэшүүрчид өрсөлдсөн шорт трекийн ДАШТ-д амжилттай уралдаж өндөрлөв

        ОУХМ Баттулгын Гэрэлтуяа дэлхийн аварга шалгаруулах тэмцээнд оролцож байгаа Монгол Улсын хамгийн анхны эмэгтэй тамирчин болж шинэ түүхийг эхэлүүллээ. Тус тэмцээнд ОУХМ Б.Гэрэлтуяа 500 м-ийн зайд 00:48.483 секунд цагийн амжилт, 1000 м 01:40.36 сек , 1500 м-ийн зайд  02:40.462 секунд цагийн амжилтаар гурван зайн уралдаанд Монгол Улсын рекорд амжилтыг шинэчлэн тогтоолоо.

        Мөн Монгол Улсын 500 м-ийн рекорд амжилтыг ОУХМ Эрдэнэбилэгийн Мөнх-Эрдэнэ , 2010 оны БНХАУ-н Шанхай хотод зохион байгуулагдсан дэлхийн цомын тэмцээнд ОУХМ Ганбатын Мөнх-Амьдралын тогтоож байсан 00:45.671 секундын амжилтыг 14 жилийн дараа 00:45.555 секундын амжилтаар шинэчлэн тогтоолоо.

         Харин 1500 метрийн зайд  улсын дээд амжилтыг 02:28.114 секунд болгож, 1000 метрийн зайд бас нийт 59 тамирчинаас чансаагаарай 01:34.353 секундын амжилт үзүүлж 39 дүгээр байрт эрэмблэгдлээ.