Монголын жүдо бөхийн холбооны 2024 оны мастерс ангиллын улсын аварга шалгаруулах тэмцээн спортын төв ордны “А” заалд эхэллээ. Тэмцээн хувийн ангиллын эрэгтэй 15, эмэгтэй 14 дэх удаагаа зохион байгуулагдаж байгаа юм.

          Тэмцээн эрэгтэйчүүдийн “М1” буюу 30-34 нас, “М2”- 35-39 нас, “М3”- 40-44 нас, “М4”- 45-49 нас, “М5”- 50-54 нас, “М6”- 55-59, “М7”- 60-аас дээш нас гэсэн ангиллаар 60, 66, 73, 81, 90, -100, +100 кг жинд шилдгүүдээ шалгаруулна.

          Харин эмэгтэйчүүд дээр дурдсан насны ангиллаар 48, 52, 57, 63, -78, +78 кг жинд медальтнуудаа тодруулна. Энэ тэмцээнд түрүүлсэн тамирчид жил бүр уламжлал болсон дэлхийн наадам, бусад олон улсын ахмадын тэмцээнд эх орноо төлөөлөн оролцох боломжтой.