Монгол Улсын боловсролын их сургуулийн нэрэмжит сагсан бөмбөгийн “U18” насны аварга шалгаруулах тэмцээн болно. Тус тэмцээний зорилго нь ерөнхий боловсролын сургуулийн сагсан бөмбөг сонирхогч ахлах ангийн суралцагчдын спортын авьяас, чадварыг дээшлүүлэх юм.

           Мөн МУБИС-ийн Биеийн тамирын сургууль, Монгол сагсан бөмбөгийн холбоо хамтран 2024 онд хэрэгжүүлэх “Сагсан бөмбөгийн дасгалжуулагч” бэлтгэх тэтгэлэгт хөтөлбөрт суралцах хүүхдүүдэд сонгон шалгаруулалтад оролцох эрх олгоход уг тэмцээний зорилго оршино.

         Тэмцээн 2024 оны гуравдугаар сарын 30-аас, дөрөвдүгээр сарын 1-ний өдрүүдэд “Буянт Ухаа” спорт ордон, МУБИС-ийн БТС-ийн спорт заалуудад зохиогдоно. Тэмцээнийг олон улсын сагсан бөмбөгийн холбооны дүрмийн дагуу зохион байгуулна. Тус “MNUE OPEN 2024” сагсан бөмбөгийн тэмцээнд “U-18” насны аймаг, дүүрэг, клубийн шигшээ багууд оролцоно.