Итали Улсын Фоллоника хотод болсон Европын өсвөрийн цомын тэмцээнд Монголын жүдочид  амжилттай оролцож хоёр алт, нэг мөнгө, нэг хүрэл медаль хүртжээ.

          Хөвгүүдийн 55 кг-ын жинд “Мон-Алтиус Цагаанбаатар академи”-ийн тамирчин, “Мон-Алтиус” ахлах сургуулийн 11-ийн “А” ангийн сурагч Б.Бат-Энэрэл, эмэгтэйчүүдийн 48 кг-д “Женко” клуб, Үндэсний шигшээ багийн тамирчин Ж.Анударь нар алтан медаль хүртэж төрийн дууллаа Итали Улсад хоёр удаа эгшиглүүлэв.

          Харин охидын 57 кг-ын жинд “Гүрү” дэвжээний тамирчин Т.Ариунзаяа мөнгөн медаль, хөвгүүдийн 73 кг-д “Шинэ Бадрах” дэвжээний тамирчин Б.Шинэтулга  хүрэл медаль хүртсэн байна. Үүнээс гадна 57 кг-д “Виннер” клубийн М.Цэндбазар, 63 кг-д “Гүрү” дэвжээний Х.Маралмаа шагналт V байрт шалгарчээ.