ОХУ-ын Красноярск хотод өнөөдөр Иван Ярыгины нэрэмжит чөлөөт бөхийн гран при тэмцээн эхэлж байна. Тэмцээн энэ сарын 24-28-ны өдрүүдэд явагдана.

          Эхний өдрийн барилдаанд манай эмэгтэй бөхчүүдээс 50 кг-д хүч үзсэн М.Мөнхгэрэл, 55 кг-д Б.Хулан, Б.Отгонтуяа, 59 кг-д Э.Сумъяа нар өрсөлдөгч бөхчүүдээ ялж, маргааш аваргын алтан медалийн төлөө барилдахаар боллоо. Б.Хулан, Б.Отгонтуяа нар 55 кг-ын жинд хоорондоо алтан медалийн төлөө барилдана. Т.Энхжин зооны аварын төлөөх барилдаанд ОХУ-ын бөхөд торгуулийн оноо 2:0-ээр хожигдсон.

         Энэ удаагийн тэмцээнд Азербайжан, Албани, Аргентин, Армени, Беларусь, Венесуэл, Гүрж, Иран, Энэтхэг, Казахстан, Хятад, Куба, Киргизстан, Молдав, Монгол, Румын, Сири, Тажикистан, Туркменистан, Турк, Узбекистан, БНСУ, Эквадор, OХУ гэсэн 24 орон оролцож байгаа нь түүхэн амжилт болжээ.