Дархан-Уул аймаг 2024 оныг “Өсвөрийн тамирчдаа дэмжих жил” болгон зарласан билээ. Энэ хүрээнд зохион байгуулсан “Darkhan Cup 2024 U15-17” насны волейболын нээлттэй тэмцээн амжилттай болж өндөрлөлөө.

      Тус тэмцээнд Улаанбаатар хотын гурван дүүрэг, есөн аймгийн охид, хөвгүүдийн нийт 72 багийн 800 гаруй тамирчин оролцсон байна. Охидын багийн аваргын алтан медалийн эзэн буюу тэргүүн байрт Улаанбаатар хотын Баярсайхан дасгалжуулагчтай “Уурхайчин” баг шалгарчээ.

     Харин дэд байрт Улаанбаатар хотын Баттулга дасгалжуулагчтай Баянгол дүүргийн “Өргөө” баг, гуравдугаар байрт Багануур дүүргийн Мария дасгалжуулагчтай “Багануур Гүн галуутай” баг тус тус шалгарсан байна.

     Хөвгүүдийн аваргын алтан медалийг Улаанбаатар хотын Тамир дасгалжуулагчтай “Ноён” баг хүртжээ. Харин, мөнгөн медалийг Даваасүрэн дасгалжуулагчтай “Sky ball” баг, хүрэл медалийг Хэнтий аймгийн Доржжагдаг дасгалжуулагчтай баг тус тус хүртсэн байна.

        Мөн Шилдэг эмэгтэй тамирчин”, “Шилдэг эрэгтэй тамирчин”, Шилдэг холбогч”, “Шилдэг хамгаалагч”, “Тэгш тоглогч”-ийг шалгаруулжээ. Тэмцээний “Шилдэг дасгалжуулагч”-аар Барсайхан, Даваасүрэн нар тодорчээ.