Эрх чөлөө, тусгаар тогтнолоо сэргээсэн үндэсний бахархалт энэ өдөр Монголын чөлөөт бөхийн гэр бүлд давхар баяр тохиолоо. Өнгөрч буй онд тив дэлхийд гялалзсан чөлөөт бөхийн шилдэг тамирчид Монгол Улсын Ерөнхийлөгчийн зарлигаар Төрийн одон хүртлээ.

     Хөдөлмөрийн гавьяаны улаан тугийн одонгоор ДАШТ-ий мөнгөн медаль, ААШТ-ий хошой хүрэл, дэлхийн цэргийн спортын наадмын хүрэл, Цэргийн ДАШТ-ий мөнгө, Иван Ярыгиний “Алтан гран при”-гийн хошой мөнгө, хүрэл медальт, “Алдар” спорт хороо, Үндэсний шигшээ багийн тамирчин, ОУХМ Энх-Амарын Даваанасан хүртэв.

   Мөн ДАШТ-ий мөнгө, залуучуудын ДАШТ-ий мөнгө, 23 хүртэлх насны ДАШТ-ий хүрэл, Азийн АШТ-ий мөнгө, хүрэл медальт, Үндэсний шигшээ багийн тамирчин, ОУХМ Энхсайханы.  Дэлгэрмаа Хөдөлмөрийн гавьяаны улаан тугийн одонгоор шагнуулав.

    Харин Монгол Улсын гавьяат тамирчин цолыг ДАШТ-ий хүрэл медальт, Азийн наадмын аварга, ААШТ-ий мөнгө, 23 хүртэлх насны Ази тивийн аварга, өсвөрийн Ази тивийн аварга, дэлхийн чансаа олгох тэмцээний дөрвөн удаагийн аварга, Тахтийн цомын аварга, Ромын гран пригийн мөнгө, Мадридын гран пригийн хүрэл, Дмитрий Коркиний ОУТ-ий мөнгө, хүрэл, “Монголиа Опен” ОУТ-ий хүрэл медальт, Үндэсний шигшээ баг, “Хүч” спорт хорооны тамирчин Төмөр-Очирын Тулга хүртсэн.