Казахстан Улсад 100 мянган ам.долларын шагналын сантай зөвхөн эрэгтэй 16 багийн клубуудын аварга шалгаруулах тэмцээн энэ сарын 21-ний өдөр Казахстан Улсын Алмата хотын “БАЛУАН ШОЛАКА” ордонд эхэллээ.

      Манай баг тэмцээний “А” хэсгийн хоёрдугаар тойргийн барилдаанд Казахстаны багийн 3:2-оор буулган авлаа. Ё.Басхүү, Б.Эрдэнэбаяр, Б.Гончигсүрэн нар цэвэр ялалтаар багтаа оноо авчирсан. Л.Анхзаяагийн барилдаанд шүүгчийн бага зэргийн асуудал байлаа. Казахстаны бөхийг ялах боломж Л.Анхзаяад бүрэн байсан. Ц.Ган-Эрдэнийн хувьд яах аргагүй цэвэр ялагдлаа.

        Тус тэмцээнд багууд дөрвөн хэсэгт хуваагдаж хэсэгтээ тойргоор барилдаж байгаа бөгөөд хэсэг тус бүрээс шалгарсан багууд хагас финал болон финал гэсэн зарчмаар өрсөлдөнө. Шагналын сан :

Алтан медаль 30 мянган ам.доллар.

Мөнгөн медаль 20 мянган ам. доллар.

Хүрэл медаль 10 мянган ам.доллар байх юм.

Хэсгийн барилдаан 9:00 цагаас эхэлсэн. Финалын барилдаан 17:00 цагаас болно.

Монгол Улсаас 66 кг-ын жинд Ё.Басхүү, 73 кг-д Л.Анхзаяа, 81 кг-д Б.Эрдэнэбаяр, 90 кг-д Ц.Ган-Эрдэнэ, -100 кг-ын жинд Б.Гончигсүрэн нар барилдаж байна.