Монголын иогчдын холбооны төлөөлөл энэ сарын 14-ний өдөр хүүхдийн иог ба иогийн гэр бүлд үзүүлэх нөлөөний талаар “Хөгжлийн харандаа экспо-2023”-ыг зохион байгуулав.  Иогоор дамжуулан хүүхдийн оролцоог нэмэгдүүлэх, чөлөөт цагийг нь үр бүтээл, өгөөжтэй, зөв боловсон өнгөрүүлэхэд дэмжлэг үзүүлэх талаар танилцуулга хийжээ.

        “Хөгжлийн харандаа экспо-2023” нь хүүхдийн эрх ашиг сонирхлыг дэмжих, хөгжлийн чиглэлээр үйл ажиллагаа явуулдаг байгууллагуудыг олон нийтэд сурталчлах зорилготой байв.  Хүүхдийн хөгжлийн үйлчилгээний нэр төрөл, чанар хүртээмжийг сайжруулах, хүүхдийн бүтээлч сэтгэлгээг хөгжүүлэх, бусдад өөрийгөө илэрхийлэх чадварыг хөгжүүлэх нь чухал байгаа юм.