Казахстан Улсын жүдо бөхийн холбооны урилгаар 100 мянган ам.долларын шагналын сантай зөвхөн эрэгтэй 16 багийн клубуудын аварга шалгаруулах тэмцээн энэ сарын 21-ний өдөр Алматы хотын “БАЛУАН ШОЛАКА” ордонд зохиогдох гэж байна.

Багууд дөрвөн хэсэгт хуваагдаж хэсэгтээ тойргоор барилдах бөгөөд хэсэг тус бүрээс шалгарсан багууд хагас финал болон финал гэсэн зарчмаар өрсөлдөнө. Шагналын сан :

Алтан медаль 30 мянган ам.доллар.

Мөнгөн медаль 20 мянган ам. доллар.

Хүрэл медаль 10 мянган ам.доллар байх аж.

Хэсгийн барилдаан 9:00 цагаас, финалын барилдаан 17:00 цагаас эхэлнэ.

Монгол Улсаас 66 кг-ын жинд Ё.Басхүү, 73 кг-д Л.Анхзаяа, 81 кг-д Б.Эрдэнэбаяр, 90 кг-д Ц.Ган-Эрдэнэ, -100 кг-ын жинд Б.Гончигсүрэн нар барилдах юм байна.