Монголын тусгай олимпын хороо байгуулагдсаны 10 жилийн ойд зориулсан “Үндэсний спортын наадам”-ыг спортын таван төрлөөр энэ сарын 17-19-ний өдрүүдэд Улаанбаатар хотод зохион байгуулах гэж байна.

       Тэмцээний зорилго нь тусгай олимпын хөдөлгөөнийг олон нийтэд түгээн дэлгэрүүлэх, спортоор дамжуулан Оюуны бэрхшээлтэй хүүхэд залуус чөлөөт цагаа зөв өнгөрүүлж бие бялдраа хөгжүүлэх, спортоор хичээллэх боломжийг нэмэгдүүлэх, тэд нарт урам дэм өгөх, авьяас чадвар, туршлагаа хуваалцах, тусгай Олимпын спортын төрлүүдийг сурталчлан таниулах, нийгэмд эерэг хандлага бий болгох.  Тус наадам бадминтон, бочи, жүдо, 3х3 сагсан бөмбөг, ширээний теннис гэсэн төрлүүдээр явагдана. Тэмцээн 15-21 нас, 21-ээс дээш насны эрэгтэй, эмэгтэй тамирчдын ангиллаар болох юм.