Шүүх шинжилгээний байгууллага 2023 оныг соён гэгээрүүлэх жил болгожээ. Энэхүү ажлын хүрээнд алба хаагчдын чөлөөт цагийг зөв боловсон өнгөрүүлэх, эрүүл амьдрах хэв маягт суралцах, бие бялдрыг хөгжүүлэх, урам зоригтой ажиллах хүсэл эрмэлзлийг төрүүлэх зорилгоор “Гар бөмбөг”-ийн аварга шалгаруулах тэмцээнийг зохион багуулжээ. Тус тэмцээнийг Цагдаагийн ерөнхий газрын “Хүч спортын хороо”-ны зааланд энэ сарын 6-ны өдөр зохион байгуулсан байна.

         Энэ удаагийн тэмцээн уралдаанд 19 багийн нийт 152 алба хаагч өрсөлдсөн бөгөөд дөрвөн бүсийн шүүх шинжилгээний төвөөс зургаан баг, ахмадын хорооноос нэг баг, тамирчид өргөн бүрэлдэхүүнээр оролцжээ. Тус тэмцээний тэргүүн байрт Өвөрхангай аймаг дахь Бүсийн шүүх шинжилгээний төвийн эрэгтэй, эмэгтэй баг, хоёрдугаар байрт Дорнод аймаг дахь Бүсийн шүүх шинжилгээний төвийн эрэгтэй баг, Криминалистикийн шинжилгээний газрын эмэгтэй баг, гуравдугаар байрт Дархан-Уул аймаг дахь Бүсийн шүүх шинжилгээний төвийн эрэгтэй баг, Нийслэлийн шүүх шинжилгээний газрын эмэгтэй багууд тус тус шалгарсан байна.