Олон улсын олимпын хорооны Олимпын эв санааны нэгдлийн сан, Монголын үндэсний олимпын хороо, Дэлхийн триатлоны холбоо хамтран триатлоны дасгалжуулагчдын сургалт хийв. Энэхүү олон улсын сургалтыг энэ сарын 6-10-ны өдрүүдэд Улаанбаатар хотноо зохион байгуулж байна.

          Сургалтыг Дэлхийн триатлоны холбооноос томилогдон ирсэн Филиппин, Өмнөд Африк, Швейцарийн эксперт багш нар удирдаж, Монголын 14 дасгалжуулагч оролцож байна. Сургалтын үеэр гадаадын өндөр зэрэглэлийн багш нарын зөвлөгөөг сонсож, улмаар шалгалтыг амжилттай өгснөөр Монголын дасгалжуулагч нар Олон улсын 1-р зэрэгтэй триатлоны дасгалжуулагчийн сертификат гардан авах учиртай юм.