Арабын Нэгдсэн Эмират Улсын Абу Даби хотноо жүдо бөхийн ахмадын дэлхийн аварга шалгаруулах тэмцээн зохион байгуулагдаж байна. Энэ удаагийн ДАШТ аравдугаар сарын 31-ний өдрөөс энэ сарын 3-ны өдрийг хүртэл зохион байгуулагдаж өндөрлөнө. Тус ДАШТ-д 63 орны 997 ахмад жүдоч өрсөлдөж байгаа. Манай улсаас эрэгтэй 24, эмэгтэй найм буюу нийт 32 жүдоч хүч үзэж байна. 

Насны ангилал:

F1/M1 30-34 нас
F2/M2 35-39 нас
F3/M3 40-44 нас
F4/M4 45-49 нас
F5/M5 50-54 нас
F6/M6 55-59 нас
F7/M7 60 - 64 нас
F8/M8 65 - 69 нас
F9/M9 70+ нас гэсэн нийт есөн насны ангилалд жүдо бөхийн эрэгтэй, эмэгтэй тус бүр долоон жинд аваргуудаа тодруулах юм. 

Хоёр өдрийн дараах байдлаар Казахстан Улсын ахмад тамирчид найман алт, есөн мөнгө, 14 хүрэл медаль хүртсэн амжилтаар тэргүүлж байгаа бол манай тамирчид дараах амжилтыг үзүүлээд байна. 

“М4” буюу 45-49 насны ангиллын +100 кг жинд О.Баярхүү мөнгөн медаль

“М3” буюу 40-44 насны ангиллын -90 кг жинд Л.Амаржаргал хүрэл медаль

“М5” буюу 50-54 насны ангиллын -73 кг жинд М.Гүнтэвдорж, “М1” буюу 30-34 насны ангиллын +100 кг жинд Б.Батзориг, “М3” буюу 40-44 насны ангиллын -73 кг жинд С.Чинзориг нар тус бүр шагналт байрт шалгарсан байна. С.Чинзоригийн хувьд өнгөрсөн оны ахмадын ДАШТ-ий 66 кг жинд хүрэл медаль хүртэж байлаа. 

Өнөөдөр хуваарь ёсоор эрэгтэйчүүдийн 45-49, 50-54 насны ахмад тамирчид хүч үзэж байгаа ба манай улсаас найман тамирчин барилдаж байна. 

Одоогийн байдлаар манай бөхчүүдээс “М4” ангиллын +100 кг жинд Б.Одсүрэн мөнгөн медаль хүртээд байгаа бол “М”5 ангиллын -100кг жинд Б.Ёндонсамбуу хагас шигшээд,  +100кг жинд Б.Бямбаа дагах барилдаан хийхээр шалгараад байна.