“Ханжоу-2022” Азийн наадмын эмэгтэйчүүдийн волейболын хасагдах шатны тоглолтууд өнөөдөр боллоо. Манай шигшээ баг D хэсгийн гурваар шалгарсан Хонгконгын багтай хасагдах шатанд учран тоглолоо. Эхний хоёр сэтийг Хонгконгийн баг 25-21, 25-20 харьцаатай авсан ч гурав дахь сэтийг 25-18 харьцаатай авсан манай баг дөрөв дэх сэтэд хүч тэнцүү өрсөлдөн эцсийн мөчид 24-26 харьцаатай ялагдал хүлээлээ. Үүгээр манай эмэгтэй шигшээ баг 19 дэх Азийн наадмын тоглолтуудаа өндөрлүүлж байна.