Монголын "IHC Esports" багийн залуус “Ханжоу 2022” Азийн наадамд Монголыг төлөөлөн “Дота 2” төрөлд оролцож байна. Тэд өчигдөр шөвгийн наймын тоглолтоо Казахстаны багийн эсрэг хийж 2:1-ээр ялалт байгуулж, медалийн төлөө өрсөлдөх эрхтэй боллоо.

        Манай багийн хагас шигшээн өрсөлдөгч бол 2023 оны дэлхийн аваргад хагас шигшээд учраа таарсан Киргизстаны баг байх юм. Заяац тэргүүтэй шилдэг тоглогчидтой Киргизстантай манай улсын баг нэг хожиж, нэг хожигдсон, тэнцээтэй байгаа учир медалийн төлөөх Азийн наадмын чухал тоглолтод хэн нь илүүгээ үзэх шийдвэрлэх тоглолт болох юм.