ОХУ-ын Сахагийн Покровск хотод энэ сарын 11-12-ны өдрүүдэд зохион байгуулагдсан өсвөр үеийн жүдо бөхийн тэмцээн болжээ. Тус тэмцээнд Монгол Улсаас Төв аймгийн “Чандмань-Оргил” дэвжээ, Завхан аймгийн өсвөрийн шигшээ багийн тамирчид оролцсон байна. Тус тэмцээний охидын 36 кг-ын жинд Б.Буянбилэг алт, 48 кг-ын жинд Б.Бумхишиг алт, хөвгүүдийн 34 кг-ын жинд Д.Төгсбүрэн алт, 46 кг-ын жинд Г.Алтанбагана алт, 38 кг-ын жинд А.Төгөлдөр мөнгө, 50 кг-ын жинд Д. Бүрэнтөгс мөнгө, 42 кг-ын жинд Г.Элбэгзаяа хүрэл медаль хүртжээ.

           Мөн хөвгүүдийн 46 кг-ын жинд түрүүлсэн Г.Алтанбагана “Шилдэг тамирчин”-ны цом хүртсэн байна. Тэмцээний үеэр Монгол Улс Сахагийн өсвөрийн тамирчдын халз барилдаан зохион байгуулагджээ. Монгол Улсын баг тамирчид 6:4-ийн харьцаагаар яллаа. Тэмцээнд амжилттай оролцсон бүх хүүхдүүд энэ сарын 13-16-ны өдрүүдэд Якутск хотод зохион байгуулагдах самбо бөхийн өсвөр үеийн олон улсын тэмцээнд оролцох юм байна.