ОХУ-ын гавьяат дасгалжуулагч Дмитрий Коркины нэрэмжит XIV тэмцээн Якутск хотноо энэ сарын 7-8-ны өдрүүдэд болно. Энэхүү ойг тохиолдуулан, Якутад “Коркин” жүжиг, олимпын аварга Павел Пинигиний “Миний багш Дмитрий Коркин. Алдарт хүрсэн зам” номын нээлт, “Олимпын спорт: Д.П.Коркиний өв ба дэлхийн чөлөөт бөхийн хөгжлийн ирээдүй” эрдэм шинжилгээний хурал болно. Мэдээж арга хэмжээний хамгийн чухал нь чөлөөт бөхийн тэмцээн байх юм.

Тус тэмцээнд есөн орны 200 бөх оролцоно. ОХУ-ын шигшээ багийн бүрэлдэхүүнд ДАШТ-ий медальт олон бөх багтжээ. Манай баг "Тэх Мөнх" клубийн дасгалжуулагч ОУХМ Ш.Баянмөнхийн удирдлага дор оролцоно.

Монголын шигшээ баг

57 кг-д

Нармандахын Насанбуян, Батхуягийн Мөнх-Эрдэнэ, Ганболдын Болор-Эрдэнэ

61 кг-д

Түмэнбилэгийн Түвшинтулга, Пүрвээгийн Дашцэрэн, Бямбасүрэнгийн Зэнээмэдэр

70 кг-д

Төмөрчөдөрийн Өглөөжаргал, Батчулууны Билгүүн

74 кг-д

Батсүхийн Батбаяр

92 кг-д

Дагвадоржийн Оргилох

125 кг-д

Нэргүйбаатарын Уугангэрэл нар барилдана.