Бүх Японы оюутны улсын аварга шалгаруулах сумо бөхийн тэмцээн боллоо. Тус тэмцээн Япон Улсын Токио хотод зохион байгуулагдаж өндөрлөлөө. Манай улсаас үнэмлэхүй жинд Т.Бөхчулуун, О.Цэлмэг, 135 кг-ын жинд А.Сүхбат, Л.Мянганбаяр нар барилдсан байна.  “Nippon sport science University” их сургуулийн оюутан Туваадоржийн Бөхчулуун Японы оюутны аварга шалгаруулах тэмцээнд  түрүүлж алтан медаль хүртжээ. Үнэмлэхүй жинд зүүн, баруун Японы шилдэг 16 сумоч барилдсан байна. Т.Бөхчулуун дөрөв ялж бүх Японы оюутны аварга болжээ.