Узбекстан Улсын Хива хотод энэ сарын 7-10-нд модон таталтын дэлхийн аварга шалгаруулах V удаагийн тэмцээн зохион байгуулагдана. Манай улсаас Б.Мөнхсүрэн ахлахчтай 19 тамирчин оролцоно. ДАШТ насанд хүрэгчид, өсвөр үе гэсэн хоёр насны ангилалаар болно. Монгол Улсаас насанд хүрэгчдийн ангилалд эрэгтэйчүүдийн 65 кг-ын жинд Ц.Пүрэвсүрэн, О.Бямбацог, 70 кг-д П.Чинзориг, 80 кг-ын жинд И.Буяндалай, 90 кг-д Ц.Өнөрбат, 125 кг-ын жинд Б.Мөнхтүшиг нар хүч үзнэ.

         Тэгвэл эмэгтэйчүүдийн 55 кг-д А.Гэрэлтуяа, 65 кг-д Х.Лхагвадолгор, +85 кг-жинд БЭрдэнэтуяа өрсөлдөх юм. Өсвөр үеийн хөвгүүдийн 50 кг-д Э.Баттогтох, 60 кг-ын жинд Б.Эрдэм, Б.Пүрэвбат, 70 кг-д Л.Мөнх-очир, 80 кг-ын жинд Б.Гарьд, +80 кг-д Ц.Цогт-эрдэнэ нар өрсөлдөх бол охидын 70 кг-ын жинд Н.Тайванжаргал, +70 кг-д Б.Дашням нар барилдана. Монгол Улсаас анх удаа дэлхийн аваргыг дэнсэлхээр Монголын мод таталтын холбооны шүүгч, олон улсын шүүгч Б.Даариймаа Узбекстан Улсыг мөн зорьж байна.