Бельги Улсын Антверп хотод энэ сарын сүүлээр эхлэх спортын гимнастикийн дэлхийн аварга шалгаруулах тэмцээн эхэлнэ. Тус ДАШТ-д оролцохоор болоод буй, үндэсний шигшээ багийн тамирчин ОУХМ Э.Өсөхбаяр, Д.Энхтүвшин нар дасгалжуулагч Д.Оюунтуяа, шүүгч Б.Мөнхсайхан нарын хамт Туркийн Мерсин хотод болж буй VI дахь удаагийн дэлхийн цомын тэмцээнд оролцож байна.

        Тэмцээний эхний өдөр Д.Энхтүвшин чөлөөт хөдөлгөөний төрөлд 23 тамирчнаас 13.550 оноогоор тавдугаар байрт орж шигшээ тэмцээнд өрсөлдөх эрхээ авч Э.Өсөхбаяр чөлөөт хөдөлгөөнд 12.700 оноогоор 16 дугаар байрт оров. Бариултай морины төрөлд нийт 29 тамирчид өрсөлдсөнөөс ОУХМ Э.Өсөхбаяр 13.100 баллаар наймдугаар байрт орж финалд өрсөлдөх эрхээ авч, Д.Энхтүвшин 12.550 оноогоор 12 дугаар байрт орсон.