Хятад Улсын Нанжин хотод олон улсын талбайн теннисийн холбооны “U18” хүртлэх насны дэлхийн чансааны оноо цуглуулах “J200” тэмцээн зохион явагдлаа. Тус тэмцээнд Ч.Маралгоо, Ч.Мартаа нар оролцсон байна. Ч.Маралгоо тэмцээндээ шөвгийн наймд шалгарсан. Харин хос төрөлд Ч.Мартаа, Ч.Маралгоо нар аваргын төлөө шалгаран маш хүнд өрсөлдөгчтэй учраа таарч уран ухаан, тэвчээр шаардсан тоглолт боллоо. Охид маань 4:6 6:3 10:7-оор ялалт байгуулж тэргүүн байрт шалгарлаа. Ингэснээр Ч.Маралгоо дэлхийн чансааны 432-р байрт, Ч.Мартаа дэлхийн чансааны 543-р байрт тус тус бичигдсэн байна.