Тайланд Улсад волейболын Ази тивийн аварга шалгаруулах тэмцээн эхэллээ. Тус тэмцээний шилдэг гурван баг 2025 оны ДАШТ-д оролцох эрхээ авах юм. Монголын шигшээ Австралийн багтай эхний тоглолтоо хийж, 16:25, 24:26, 14:25-аар хожигдов. Австралаас Бет Кэри 16 оноогоор багийнхнаа тэргүүлэхдээ 11-ийг нь довтолгоогоор талбайд унагажээ. Харин Стефани Вейлер, Эмма Бертон нар нийт 25 оноогоор багтаа тусалсан юм.

         Монголын багаас Ган-Очирын Хонгорзул 23 довтолгооны оролдлогыг хийж, есөн оноогоор багийнхнаа тэргүүлэв. Монголын баг шигшээ наймд шалгарахын тулд өнөөдөр талбайн эзэн Тайландын багийг заавал хожих хүнд даалгавартай боллоо.