МҮОХ-ны ерөнхийлөгч Б.Баттүшиг өчигдөр Дэлхийн таэквондогийн төв байгууллага болох ы ерөнхийлөгч Ли Дон Суп тэргүүтэй төлөөлөгчдийг “Олимпик хаус”-т хүлээн авч уулзлаа. Уулзалтад МҮОХ-ны ерөнхий нарийн бичгийн дарга Э.Бадар-Ууган, Монголын таэквондогийн холбооны ерөнхийлөгч Б.Онон, дэд ерөнхийлөгч Л.Цэнгүүнжав нар байлцав.

            Талууд уулзалтын үеэр Монголын таеквондогийн спортын хөгжил, тус төрлөөр олимпын эрх авах, цаашлаад олимпоос медаль авдаг төрөл болгон хөгжүүлэх гарц, Монголд олон улсын томоохон тэмцээн зохион байгуулах боломжийн талаар санал солилцов.

            Мөн өсвөр үе, залуучуудад олимпын боловсрол олгох, спортоор дамжуулан эрүүл амьдралын хэв маягт суралцуулах, хичээлийн хөтөлбөрт оруулах зэргээр хамтран ажиллахад нээлттэй гэдгийг МҮОХ-ны Ерөнхийлөгч Б.Баттүшиг илэрхийлэв.

            Ноён Ли Дон Суп дэлхийн 214 улсад 200 гаруй сая хүн таэквондогоор хичээллэж байгааг дуулгаж, таэквондогийн спорт бусдыг хүндлэх ухаанд сургадаг тул хичээллэгчдийн тоо жилээс жилд нэмэгдэж байгааг тайлбарлалаа.

          Мөн тэрбээр Монголын таэквондогийн хөгжлийг онцолж, гурван тал хамтраад ажиллахад Монголын тамирчид олимпын наадмаас медаль авах цаг холгүй гэдэгт итгэж байгаагаа илэрхийллээ.