Хорват Улсын Загреб хотод өсвөр үеийн ДАШТ болж байна. Энэ удаагийн дэлхийн аваргад  64 орны 316 хөвгүүн, 260 охин нийт 576 тамирчин зодоглож байна. Өнгөрсөн жилийн өсвөр үеийн Азийн аварга, 2023 оны Алматагийн олон улсын тэмцээний алтан медальт “Женко” клубийн тамирчин Жамсрангийн Анударь Загребт болж буй өсвөр үеийн ДАШТ-ий охидын 48 кг-ын жинд V байрт орлоо.

        Тэрбээр өчигдөр үдээс өмнө Бразилын Николли Карнейро, Болгарын София Рангелова, Узбекистаны Зарина Жамалова нарыг сөхрүүлж хагас шигшээд Украины Маргарита Мирошниченкод нэмэлт цагт ялагдсан. Тэгвэл дэлхийн татамид медальтай үлдэх эсэхээ шийдэх барилдаанд Италийн Елена Сторионег вазаригаар илүүрхэж яваад цаг дуусах эцсийн мөчид цэвэр ялагдсан нь харамсалтай байв.