“Улаанбаатар-2023” Зүүн Азийн залуучуудын наадам нийслэл хотноо найман өдөр үргэлжилж, өнөөдөр өндөрлөж байна. Өнөөдөр Налайх дүүрэг дэх хөнгөн атлетикийн талбайд эмэгтэйчүүдийн 3000 м болон эрэгтэйчүүдийн 5000 м-ийн кросс гүйлтийн уралдаан болж буй. Мөн “UG Arena”-д сагсан бөмбөгийн гурван тоглолт явагдсанаар наадмын тэмцээн уралдаанууд албан ёсоор өндөрлөнө.

            Одоо 12:00 цагаас Хятад, Тайванийн эрэгтэй багууд тоглох бол 14:15 цагаас Монголын эмэгтэй шигшээ Хятадын багтай өрсөлдөнө. Хамгийн сүүлд Монголын эрэгтэй шигшээ 16:30 цагаас Макаогийн багтай тоглох юм. Манай залуус энэ тоглолтод хожвол хүрэл медаль хүртэх билээ. Улмаар хаалтын ёслол 20.23 цагт Сүхбаатарын талбайд эхэлнэ. Үнэ төлбөргүй, хэн бүхэнд нээлттэй энэхүү арга хэмжээнд олон шилдэг хамтлаг, дуучид ирж, ая дуугаа өргөх болно.