МҮОХ-ны ерөнхийлөгч, ОУОХ-ны гишүүн Б.Баттүшиг Олон улсын гимнастикийн холбооны ерөнхийлөгч, ОУОХ-ны гишүүн, Японы ҮОХ-ны гүйцэтгэх зөвлөлийн гишүүн Моринари Ватанабэг өчигдөр “Олимпик хаус”-т хүлээн авч уулзлаа. Уулзалтын үеэр талууд дэлхийн спортын хөгжил, олон улсын спорт холбоодтой хамтран ажиллах чиглэл, орчин үеийн спортын чиг хандлагын талаар ярилцав.

            Мөн өсвөр залуу үеийнхний сонирхол, онцлогт тохирсон хотын спортыг хөгжүүлэх талаар хэлэлцэж, шинэ залуу үеийнхэнд спорт олимпизмын боловсрол олгох систем, хамтын ажиллагаа болон хөгжиж буй орнуудыг чадавхжуулах гарц гаргалгааны талаар санал солилцов.

         Ноён Ватанабэ 2017 оноос Олон улсын гимнастикийн холбооны ерөнхийлөгчөөр, 2018 оноос ОУОХ-ны гишүүнээр ажиллаж байгаа бөгөөд “Токио-2020” олимпын боксын эрх олгох тэмцээн уралдааныг хариуцах ажлын албаны даргаар ажиллаж байв.