Монгол Улсын нийслэл Улаанбаатар хотноо энэ сарын 12-13 өдрүүдэд Үндэсний соёл амралтын хүрээлэн буюу Хүүхдийн парк дээр "FIBA 3X3 Sukhbaatar Challenger 2023" тэмцээн зохион байгуулагдаж байна. Тус тэмцээнд Бельгийн Антверп, Хятадын Бээжин тэргүүтэй зургаан улсын 13 баг өрсөлдөж байгаа юм. Манай улсаас нийт таван баг оролцож байгаа.

“Улаанбаатар ММС Энержи”, “Сансар ММС Энержи”, “Амгалан”, “Завхан Sainscore”, “Зайсан МИГдаатгал” багууд өрсөлдөж эхэллээ. "FIBA 3X3 Sukhbaatar Challenger 2023" тэмцээнд түрүүлсэн болон дэд байр эзэлсэн багууд аравдугаар сард зохион байгуулагдах "FIBA 3X3 Amsterdam Masters 2023" тэмцээнд оролцох эрхийг авах юм. Тэмцээний эхний өдөр буюу өчигдөр “Улаанбаатар MMC Energy” баг 21:17-оор “Sansar MMC Energy” багийг хожлоо. Ийнхүү “Улаанбаатар ММС Энержи”  баг хэсгээ тэргүүлж, хасагдах шатанд шалгараад байна.