Монгол Улсын Ерөнхийлөгчийн ивээн дор зохион байгуулагддаг Монголын хөл бөмбөгийн холбооны 21 аймгийн аварга шалгаруулах тэмцээний нээлтийн ажиллагаа энэ сарын 11-ний өдөр Дархан-Уул аймгийн хөл бөмбөгийн цэнгэлдэх хүрээлэнд боллоо. МХБХ-ны 21 аймгийн АШТ-ий дээд болон нэгдүгээр шатанд нийт 15 аймгийн шигшээ баг тамирчид болон тус тэмцээний шүүн дэнслэн явуулах шүүгч нар хүрэлцэн ирж нээлтийн ажиллагаанд оролцов.

Тэмцээний нээж Монгол Улсын Ерөнхийлөгчийн зөвлөх, МХБХ-ны Ерөнхийлөгч М.Болд, ерөнхий нарийн бичгийн дарга Т.Дагвадорж Монгол Улсын Ерөнхийлөгчийн          илгээлтийг танилцуулж мөн Дархан-Уул аймгийн Засаг даргын орлогч Б.Жавхлан нар үг хэллээ. Мөн МХБХ-ны дэд ерөнхийлөгч С.Жаргалсайхан, Зөвлөлийн гишүүн Л.Наранбаатар, МХБХ-ны Ерөнхийлөгчийн зөвлөх Д.Тэрбаатар болон Дархан-Уул аймгийн ТЗУХ-ийн дарга Д.Чагнаадорж нар оролцов.

Энэ үеэр Дархан-Уул аймгийн 60 жилийн ойн хүндэтгэлийн медалиар МХБХ-ны ерөнхийлөгч М.Болд, МХБХ-ны ерөнхийлөгчийн зөвлөх Д.Тэрбаатар болон ЕНБ-ийн дарга Т.Дагвадорж нарт гардуулан өглөө. 2022 оны дээд, нэгдүгээр шатны аварга багууд болох Дархан-Уул, Баян-Өлгий аймгийн шигшээ багуудын ахлагчид МХБХ-ны тэмцээн зохион байгуулагчдад аваргын цомуудаа шилжүүлэн гардуулан өглөө. МХБХ-ноос зохион байгуулж буй 21 аймгийн аварга шалгаруулах тэмцээн энэ сарын 19-нд дээд, нэгдүгээр шатны аварга багуудаа тодруулах юм.