Төв аймаг үүсэн байгуулагдсаны түүхт 100 жилийн ойн баяр наадмын хүчит бөхийн барилдаанд нийт 352 бөх бүртгэхээр төлөвлөжээ. Тус аймгийн наадамд улс, аймгийн алдар цолтой хүчит 256 бөхийн барилдааны бүртгэлийг энэ сарын 24-25-ны өдрийн 09.00-17.00 цагт Биеийн тамир спортын газрын “Олимп танхим”-д хийнэ.

       Мөн тус байршил, тухайн өдөр, цагуудад Төв аймгийн 45 наснаас дээш 32 бөхийн барилдааны бүртгэлийг хийхээр төлөвлөсөн байна. Харин өсвөрийн 64 бөхийн барилдааны бүртгэлийг долдугаар сарын 27-ны өдрийн 09.00-18.00 цагт Төв цэнгэлдэх хүрээлэнд хийх юм байна. Өсвөрийн бөхийн барилдаанд 2006 оноос хойш төрсөн хүүхдүүд оролцох боломжтой.