Төв аймгийн Эрдэнэсант сум түүхт 100 жилийн ойн баяраа өчигдөр тэмдэглэсэн. Энэхүү түүхэн үйл явдалд зориулан Монгол Улсын Хөдөлмөрийн баатар, гавьяат тамирчин, олимпын мөнгөн медальт, дэлхийн аваргын хүрэл медальт, даяар дуурсагдах, далай даян дархан аварга Жигжидийн Мөнхбатын дурсгалд зориулж гэрэлт хөшөөг босгосон байна.  Уг хөшөөг хань ижил, үр хүүхдүүд, ах дүүс, шавь нар, сум орон нутгийн удирдлагуудын оролцоотойгоор 100 жилийн ойгоо тэмдэглэж буй Эрдэнэсант сумын ЕБС-ийн өмнө босгожээ.