Олон улсын олимпын хорооны хүндэт гишүүн, Дэлхийн бадминтоны холбооны ерөнхийлөгч Пол Эрик МҮОХ-ны ерөнхийлөгч Б.Баттүшигийн урилгаар өчигдөр “Олимпик хаус”-т зочлов. Уулзалтын үеэр бадминтоны шинэ төрөл болох гадна талбайн бадминтон нь Үндэсний олимпын хороодын холбооны элсний наадмын хөтөлбөрт багтдаг тул Монголын анхны элсний наадамд оруулах талаар санал солилцлоо.

          Мөн Монголд гадна талбайн бадминтоны спортыг хөгжүүлэн дэлгэрүүлэх боломжийн талаар ярилцав. Ноён Пол Эрик Хоер “Атланта 1996” олимпын наадмын бадминтоны ганцаарчилсан төрөлд алтан медаль хүртсэнээс гадна ДАШТ-ий гурван хүрэл медальтай тамирчин байсан бөгөөд 2013 оноос дэлхийн Бадминтоны холбооны ерөнхийлөгчөөр сонгогдон ажиллаж байгаа юм.