“UMNUGOBI CHESS FESTIVAL-2023” олон улсын шатрын тэмцээн өчигдөр буюу энэ сарын 21-ний өдөр Өмнөговь аймгийн Даланзадгад хотноо “Ёл” кино театрт амжилттай эхэллээ.  Тэмцээнд Монгол, Мальта, АНУ, Орос улсын шатрын холбоодуудын нийт 68 тамирчин нээлттэй болон тойргийн ангилалаар өрсөлдөж байна. Тус тэмцээнд олон улсын мастер нэг, Дэлхийн шатрын холбооны мастер хоёр, Дэлхийн шатрын холбооны дэд мастер дөрөв нийт олон улсын цолтой долоон шатарчин оролцож эхэллээ.

            Монголын шатрын холбооны ерөнхий нарийн бичгийн дарга Х.Эрдэнэдорж, Өмнөговь аймгийн ЗДТГ-ын дарга Ц.Амартөгс нар тэмцээний нээлтийн үеэр орон нутагт олон улсын тэмцээн зохион байгуулах нь шатрын спортод үнэтэй хувь нэмэр оруулж байгааг дурьдаад нийт тамирчдадаа амжилт хүссэн.