Дөрвөн жилд нэг удаа болдог сагсан бөмбөгийн эрэгтэйчүүдийн дэлхийн аварга шалгаруулах тэмцээн энэ жил болно. Ирэх наймдугаар сарын 25-аас есдүгээр сарын 10 хүртэл Япон, Филиппин, Индонези гээд гурван улсыг дамнан зохиогдох энэхүү тэмцээнд шилдэг 32 орны баг оролцоно.

         Сагсан бөмбөгийн 19 дэх удаагийн ДАШТ -ээс "Парис-2024" олимпын эрх олгох болохоор  Европ, Америкийн тус бүр хоёр, Ази, Африк, Далайн орнуудын тус бүр нэг шилдэг баг эрх авна. Тийм болохоор  "Гал, гарсан" өрсөлдөөнтэй олон тоглолт болох нь дамжиггүй. Дөрвөн жилд ганцхан болдог энэхүү нэр хүндтэй тэмцээн Ази тивд гурав дараалан зохиогдож байгаа юм. Өмнө нь  ДАШТ 2019 онд БНХАУ-д болсон. Энэ удаа Япон, Филиппин, Индонезид , харин 2027 оны ДАШТ Катарт болох билээ.