Сэлэнгэ аймгийн буудагч ихэр охид алтан медаль хүртэв

2023-06-23, 796

Баянхонгорт аймагт болж буй монголын хүүхдийн спортын зуны VII наадмын буудлагын төрөлд Сэлэнгээс ихэр охид Ялалтын Маргад, Марал нар аймгаа төлөөлөн оролцож байна. Сэлэнгэ аймгийн Мандал сумын "Оноч мэргэн хараа" клубийн тамирчин Я.Маргад охидын хийн урт бууны 10 метрийн дасгалд 244.2 оноогоор алтан медаль хүртснээс гадна спортын дэд мастерийн болзол хангасан бол түүний ихэр Я.Марал нь шигшээд шалгарч наймдугаар байрт орсон байна.

Тэд Мандал сумын ерөнхий боловсролын III сургуулийн аравдугаар ангид сурдаг. Зүүнхараагийн дасгалжуулагч, спортын мастер Э.Юмжирмаагийн удирдлага дор буудлагын спортыг сонгоод ердөө таван сар болж байгаа ч богино хугацаанд чамгүй амжилт үзүүлжээ.

Сэлэнгэ аймгийн буудагч ихэр охид алтан медаль хүртэв

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0

Шинэ мэдээ

Нийтлэлчид